CHARANGUIÑOS VILAGARCIÁNS
Como é sabido, o entroido é una festa popular previa á cuaresma
caracterizada pola retranca , alegría e xuntanza. Por todas é coñecido que
non hai boa festa sin un bo xantar onde compartir un bo cocido, lacón con
grelos, unhas filloas, orellas e outras delicias do entroido.
Maniféstase de
diferentes formas ao longo da nosa terra. Poderiamos diferenciar entre:
As zonas do rural,
onde conservan a súa esencia como os Cigarróns de Verín, Pantallas en Xinzo de Limia,
Peliqueiros en Laza, Os Xenerais do Ulla, As Madamas e Galáns de Cobres…
As urbanas nas que se
festexan bailes de disfraces en sedes culturais e sociais.
As comparsas e charangas son as encargadas de poñer música e
baile á festa co seu bo humor e coas súas letras retranqueiras que a modo de
crítica contan sucesos acontecidos durante todo o ano. Este ano sen dúbida un
dos protagonistas principais había ser o “COViD”
Na nosa vila , son ben coñecidos os concursos de comparsas, o
desfile do martes de entroido e o enterro da sardiña de Carril e Vilaxoán como colofón final ás
festas.
Dende o noso cole queremos contribuir humildemente a manter
viva a tradición, a pesar das dificultades técnicas que se poidan observar, o
traballo foi feito con ilusión e moito agarimo. Agardamos que pasedes un momento
agradable vendo a montaxe audiovisual coas vosas pequenas e pequenos.
Preme no enlace para ver o vídeo:
Equipo de Dinamización e
Normalización Lingüística
Comentarios
Publicar un comentario