I CERTAME DE FOTOGRAFÍA GALEGA DO CEIP A LOMBA
I
CERTAME DE FOTOGRAFÍA GALEGA DO CEIP A LOMBA
Este ano 2021, a Real Academia Galega dedícalle
o Día das Letras Galegas a Xela Arias Castaño (Sarria,
1962 - Vigo, 2003), quen ademais de ser unha das voces máis destacadas da
poesía galega contemporánea, tivo tamén unha frutuosa carreira como profesora,
editora e tradutora de clásicos.
Despois de analizar a súa
obra “Tigres coma cabalos” (1990),
onde poesía e fotografía dialogan a través de 48 poemas e outras tantas
fotografía , dende o Equipo de Dinamización da Lingua Galega ocorréusenos a
idea de renderlle homenaxe a través
dunha actividade na que poderá participar todo o alumnado do centro: un certame fotográfico. O I certame
fotográfico do CEIP A LOMBA. Consistirá nun certame fotográfico onde o tema principal
será Galicia.
PARTICIPANTES
Pode participar todo o
alumando do centro, dende Educación Infantil ata 6º de Primaria.
TEMÁTICA
As imaxes presentadas deben
estar situadas en Galicia e ter como obxectivo, destacar as paisaxes, a
cultura, gastronomía, historia, arquitectura e costumes do pobo galego. Todas
elas deberán vir acompañadas dun título en galego que pode ser unha palabra,
unha frase ou ter forma de verso. O amor a Galicia e ao galego é algo que Xela
expresou en moitos dos seus poemas.
DURACIÓN E ENVÍO DAS FOTOGRAFÍAS
Pódense enviar as fotografías ata o domingo, 9 de maio. As fotografías
enviaranse á dirección de correo electrónico seguinte: julia.m.garcia.r1986@gmail.com. Enviarase a fotografía en formato
dixital e sen marca de auga, o título, o nome completo do neno ou nena e o
curso ao que pertence. As fotografías poderán presentar en color ou en
branco/negro. Serán descartadas
todas aquelas fotografías que non presenten un título como indican as bases ou
que veñan sen o nome do autor/a.
PUBLICACIÓN
DAS FOTOGRAFÍAS E PREMIOS
Todas as fotografías publicaranse no blog de Dinamización da Lingua Galega ao
cal se poder acceder dende a páxina web
do centro. Así mesmo, as 10 fotografía seleccionadas como gañadoras polo xurado
proposto, serán impresas e expostas á entrada de ambos centros. Os autores/as
destas, recibirán como premio un conto en galego acorde coa idade dos
participantes.
Os gañadores serán anunciados o día 11 de
maio ás 12:00 no mesmo blog.
COMPOSICIÓN
DO XURADO
O xurado estará composto por tres membros da
Comunidade Educativa:
Rubén García Castrelo (Persoal de cociña)
Rosa Davila González (Administrativa)
María Lourdes Cea Ferreirós (Persoal de
limpeza)
Comentarios
Publicar un comentario