XELA ARIAS CASTAÑO 1. INDEPENDÍZATE

 

1.    INDEPENDÍZATE:

 

O primeiro cartel desta presentación,  está baseado en certos poemas do primeiro libro de Xela “Denuncia do equilibrio”, así como na súa actitude transgresora de cuestionar a orde das cousas, a orde que nos da á sociedade na que vivimos, e nós pechamos os ollos e facemos que non vemos nada e seguimos esa orde sen cuestionala. Algúns teñen que marchar por pensar diferente e revelarse en contra das normas establecidas.

Ela presenta a fuxida como a única alternativa á salvación e a representa co cabalo. Temos o fogar como lugar seguro e non queremos saír de aí… A liberdade no- la quitan cando non nos deixan entrar noutro país, cando a sociedade non quere que outros entren no noso país, cando o pobo galego é un pobo emigrante, un pobo que tivo que fuxir para atopar camiño…

Analizaremos por iso, ao fotógrafo Manuel Ferrol e a reportaxe que fixo sobre a inmigración galega nos anos 50. Cos pes lograremos fuxir, iso é un pouco a idea principal deste cartel sobre a obra de Xela que leva anaquiños de versos dos poemas onde Xela fala tanto do cabalo como dos pés como símbolos de liberdade e de Galicia, por iso a través do proxecto de fotografía, fixemos fotos detalle dos pés dos alumnos para plasmalos dentro da silueta dun cabalo representando desta maneira a liberación en ambas partes.

 

Este primeiro cartel está traballado polos nenos e nenas do terceiro ciclo en conxunto cos nenos de Educación Infantil e as actividades propostas están destinadas aos nenos e nenas do último ciclo de Educación primaria.

 

  

ACTIVIDADES 

 

DE INICIACIÓN E MOTIVACIÓN :

 

Pretendemos cos últimos versos do poema de Xela « Fin » que din así :

« Exiliarse é forxar terra para os ebrios pés que non sosteñen esta hora de viaxes aniñadas » crear un debate sobre o exilio (por temas políticos) e a inmigración (por fame). Lanzaremos a pregunta ¿Debe haber liberdade de mobilidade entre países ? O debate será moderado por nós e intentaremos que expoñan a súas ideas individuais así como familiarizalos coas ideas doutros compañeiros.

 

DE DESENVOLVEMENTO :

 

Como primeira actividade veremos o filme « Adú » de Salvador Calvo, película recentemente nomeada a 13 Goyas nesta última edición destes premios.

Coa visualización desta película, pretendemos  que os nenos e nenas se dean conta dos riscos de non ter liberdade, de non movernos para conseguila, de aceptar todo o que nos din e sobre todo que cos nosos pés temos a oportunidade de fuxir e cambiar o noso destino. 

 

A segunda actividade “vivamos a revolución” consistirá en traballo por equipos onde cada equipo deberá crear un manifesto de denuncia. Nese manifesto narrarán as situacións que cada membro do equipo considere inxustas no mundo de hoxe en día.

Como terceira proposta de actividade, crearemos toda a aula unha canle de Youtube onde cada equipo gravará o seu manifesto de denuncia crearemos un foro na canle onde invitaremos a toda a comunidade educativa a participar nela dando a súa opinión sobre os diferentes manifestos e discutindo as diversas opinións para analizar a fondo os manifestos, comprendelos e sempre poder melloralos.

Para organizar a creación  da canle de youtube e facer as gravacións, debemos traballar cooperativamente e farémolo a través da aplicación Trello. Esta ferramenta dixital permite traballar dunha forma máis organizativa e cooperativa entre equipos. Ten tres taboleiros onde se escriben as tarefas para facer, as que están en proceso e as rematadas. É motivadora e permite modificar os taboleiros a todos os membros do equipo.

 

A última actividade consistirá en aprender o poema en linguaxe de signos. A través de distinas páxinas web, o profesorado adaptará o poema para realizalo con linguaxe de signos, que posteriomente será gravado e publicado na rede. 

 

DE CONSOLIDACIÓN:

 

Primeiramente traballaremos a vida e obra de Manuel Ferrol, fotógrafo galego nado na Costa de Morte que fixo unha reportaxe sobre a xente que marchaba de Galicia ás Américas en 1957, non para reencontrase coa súa familia, se non para atopar o diñeiro que lles faltaba na súa terra.

Para iso faremos un cuestionario coa ferramenta dixital Kahoot. Esta é unha ferramenta que permite a creación de cuestionarios.

 O profesor creará un concursos na aula para reforzar a aprendizaxe. Os alumnos terán que buscar información na rede sobre respostas a preguntas sobre a reportaxe fotográfica e a situación como: ¿Quen lle encargou facer as fotos do embarque de emigrantes galegos?¿Como se chamaba o transatlántico onde viaxaban a América?¿Onde se publicou a reportaxe por primeira vez en Galicia? ¿Que cámara utilizou naquela época para realizar a reportaxe?

 

A raíz desta última pregunta faremos a seguinte actividade que será a realización dunha cámara escura, que consiste nunha caixa de cartón pechada cun orificio por onde pasa a luz e forma unha imaxe invertida na parede oposta. Ao colocar un papel sensible a imaxe queda captada e ao revelala obtemos o negativo da imaxe realizada, é pura maxia fotográfica. Esta cámara é a primeira que existiu e hoxe en día a sigue utilizando o fotógrafo Iian Wolff.