XELA ARIAS CASTAÑO 11. NAMÓRATE
Este último cartel, baséase nun dos curtos e
sinceros poemas de Xela Arias pertencente ao seu magnífico conxunto de poemas
dirixido ao seu fillo « Darío a Diario » publicado
en 1996.
O poema está escrito polos máis pequenos do centro directamente no
cartel. Tamén foi unha experiencia moi agradable traballar con este poema xa
que foi dos poucos que os rapaces tan pequenos entenderon á perfección sen ter
que profundizar moito nos seus versos.Ademais unha mamá dun compañeiro da clase
estaba xa embarazada de 6 meses e sempre lles espertou curiosidade o proceso e
a barriga, polo tanto, decidimos traballar nesta clase este poema, xa que ela
nos viu a resolver tódalas dúbidas que nos foron urxindo.
Este
cartel estivo traballado polos nenos e nenas de Educación Infantil e as
actividades programadas, a gran maioría, están dirixidas tamén para esta etapa.
A través de novo dun pequeno proxecto de fotografía, nos fotografamos uns aos
outros, traballando diferentes planos.
ACTIVIDADES
DE
INICIACIÓN-MOTIVACIÓN :
Aproveitando a nosos visita semanal á Biblioteca do centro, coñeceremos
unha historia marabillosa, O FÍO INVISIBLE. O
fío invisible é un conto é un conto creado para dar seguridade á infancia e
para que saiban e se dean conta, que hai cousas no mundo. que non se ven nin se
tocan , pero si existen. Neste caso imos a traballar en profundidade o AMOR. O
amor dunha nai polo seu fillo como o poema de Xela nos indica. Faremos unha
lectura en grupo do conto e realizaremos diferentes propostas sobre a lectura
do mesmo:
-Presentación
da historia:- a partir dun Código QR que deberemos ler para poder
acceder a un vídeo explicativo sobre a temática a tratar.
-Que
sabemos e que queremos saber?: Recollida dos
coñecementos previos do alumnado e dos seus intereses e motivacións con
respecto ao embarazo.
-Debate
sobre esas cousas que non se ven nin se tocan pero sí existen. Cáles son ?
DE
DESENVOLVEMENTO:
- Na
pizarra dixital, buscaremos o significado das palabras e emocións expostas no
cartel relacionadas co poema de Xela que ademais saíran no debate sobre as
cousas que non se tocan como: VIDA, SONS, CORAZÓN, AGARIMOS, COIDAR E CHOROS.
-Unha
vez traballado o seu significado. Traballaremos
as emocións indicando situacións que nos poden provocar esas emocións
distintas. Posteriormente nos fotografaremos actuando e expoñendo esas emocións
aos compañeiros.
-
Elaboración de gráficas. Aprenderemos a crear
unha gráfica co crecemento do feto ao longo dos nove meses de embarazo.
Posteriormente, compararemos as medidas con obxetos reais.
DE
CONSOLIDACIÓN:
Vídeo
educativo: Como produto final, gravarase un vídeo onde expoñan todo o
aprendido, e que posteriormente se si compartirá no blog de aula e na web do colexio.
Comentarios
Publicar un comentario