XELA ARIAS CASTAÑO 4. COMUNÍCATE

 

Este cuarto cartel está baseado sobre todo nas emocións que sentía  Xela cara a súa terra galega neses anos 80 onde se publica o seu primeiro libro “Denuncia do equilibrio”. Sensacións e emocións representadas nos dous pequenos anacos do poema “Apátridas” , nas partituras de fondo do himno

galego e nas fotografías que os nenos se fixeron imitando as diferentes emocións que sentía Xela cando se falaba de Galicia: tristeza, orgullo, agarimo, benquerenza, paixón, maternidade, soidade, saudade…

 

Este cartel está traballado polos nenos e nenas do 1º ciclo de primaria e as actividades están desenvolvidas para eles.

 

ACTIVIDADES:

 

DE INICIACIÓN-MOTIVACIÓN:

 

Xela adoraba a música, seguramente escoitara máis dunha vez ao grupo “Siniestro total” un grupo de rock galego que comezou a súa carreira nos anos 80. É raro si a un galego non lle soa una canción que fala da súa famosa morriña e a converte nunha descrición do sentimento que Xela experimentaba sobre Galicia. Trátase de “Miña terra galega”.

 

Como primeira actividade desta sección escoitaremos a canción e debateremos sobre as emocións que nos inspira a canción e os versos de Xela cara a nosa terra e o noso idioma. Alegría ou tristeza? Por un lado está a sensación de “morriña”, de cariño… e por outro lado a sensación de tristeza por non falar a xente o seu idioma. Meteremos de por medio a idea de que Xela dicía que Galicia aínda non aceptaba o seu propio idioma.

 

 

 

DE DESENVOLVEMENTO:

 

Como primeira actividade deste bloque, continuaremos coa canción de “Siniestro Total”. Escribiremos a letra da primeira estrofa e a copla en forma de redacción utilizando todos os signos ortográficos que necesite. Un compañeiro deberá corrixir a redacción doutro.

 

Agora toca documentar fotograficamente os sentimentos dos que falamos no debate anterior. Os sentimentos de morriña, de ledicia…e tamén os de tristeza, soidade… E o faremos cos ollos. Parte do corpo á que Xela menciona continuamente nos seus versos e hoxe en día tan expresiva á falta de poder vernos as bocas. Faremos un libro fotográfico onde a cada foto que fagamos da emoción dun compañeiro, teremos que facer un poema de dous,tres e catro versos sobre a emoción que transmite na foto outro compañeiro diferente a nós. ¿Como se chaman estes poemas de dous, tres e catro versos? Teñen nomes? O investigaremos.

     E nun cartel tan musical non podemos deixar atrás o fondo deste, o himno galego. Terminaremos as actividades de desenvolvemento deste cartel tan musical cun Genially sobre este, a súa orixe e a obra do escritor.

 

 

 

 

CONSOLIDACIÓN:

 

A actividade será en gran grupo e de traballo cooperativo. Faremos unha coreografía para a canción “Miña terra galega “. Dramatizaremos á canción coa expresión corporal. Pero a actividade non soamente consistirá niso, senón que deberemos caracterizarnos como naquela época. Involucraremos ás familias pedíndolles  roupa e fotos daquela época para facelo o mellor posible. Dentro do gran grupo, haberá pequenos  que se encargarán de diferentes aspectos como: vestiario, maquillaxe..todo  en orde para crear un “vídeo clip” en toda regra que gravaremos e montaremos con “Windows Movie Maker” utilizando o “chroma” para os fondo que necesitemos. O vídeo o divulgaremos posteriormente.