XELA ARIAS CASTAÑO 9. MÍRATE
O noveno cartel está baseado no poema de Xela “Na xanela desde abril” así como nas diferentes veces que Xela fai referencia a diferentes animais e árbores ao longo dos seus versos. É unha recompilación de todas esas árbores, animais e ventás e xanelas ás que Xela fai referencia. Este cartel está traballado polos nenos e nenas de 6º de Educación Infantil a través dun pequeno proxecto de fotografía no que se traballaron entre outros aspectos os diferentes planos.
Para iso, saímos á rúa a fotografar ventás que atopábamos polos arredores do centro escolar.
Este cartel está feito polos nenos e nenas de Educación Infantil, e as diferentes actividades que a continuación se desenvolven están deseñadas para realizar nesta mesma etapa no Primeiro ciclo.
ACTIVIDADES:
DE INICIACIÓN E MOTIVACIÓN:
Lemos o poema no que está baseado o cartel: “Na xanela desde abril”, onde fai referencia a estación da primavera, a animais como a cigarra e a conxunto de árbores como a alameda. Investigaremos nos diferentes poemas de Xela como nomea a moitos animais e a diferentes árbores moitísimas veces ao longo dos seus libros e poemas. A raíz desa pesquisa, investigaremos tamén sobre a plantación na época da primavera e a raíz diso traballaremos as seguintes actividades.
DE DESARROLLO:
Papiroflexia. Utilizaremos a técnica de origami para a realización de diferentes animais con papel , animais que previamente buscaremos nos diferentes poemas de Xela, moi frecuentes neles xa que aborda na maioría o mundo animal. A papiroflexia axuda ao desenvolvemento da coordinación óculo-manual, a motricidade fina, habilidades espaciais e sobre todo a concentración mental.
Creación dun horto escolar. Débese primeiramente buscar onde se pode facer, por exemplo nunha zona específica que teña o centro para plantacións ou poder ser un horto pequeno en maceta nunha zona soleada do centro o por aulas. O que si que temos que ter claro é que debemos plantar alimentos fáciles de utilizar e de plantación en primavera como a pataca, tomates ou cenorias. Dependendo das características do terreo, debemos preguntarnos
¿que se quere plantar ? (si o horto é interior ou exterior)¿ que materias necesitamos ? ¿como plantar ? Os alumnos desta forma, tamén aprenderán sobre os beneficios que aportan os alimentos que cultivaron e que
posteriormente se comerán. Ademais os alumnos e alumnas aprenderán a traballar en grupo na toma de decisións sobre a repartición de tarefas e adquirir responsabilidades á hora do rego etc.
Creación de ambientadores aromáticos. No noso horto, aparte da plantación de alimentos fáciles de cultivar, plantaremos tamén diferentes herbas aromáticas como romeiro ou lavanda. Unha vez medradas estas, as introduciremos en saquiños que coseremos nós previamente e os poñeremos á venta e axudaremos ao alumando máis maior do centro na súa excursión ou festa de final de curso.
DE CONSOLIDACIÓN:
Proxecto fotográfico. A través da fotografía iremos vendo e fotografando o proceso de crecementos das plantas. Unha vez medradas, coas fotografías e o programa gratuíto « WINDOWS MOVIE MAKER » crearemos unha película engadindo música e efectos visuais todo accesible e gratuíto con esta ferramenta informática .
Comentarios
Publicar un comentario