XORNADAS "COME LOCAL"
Dende o Equipo de Dinamización da Lingua Galega do CEIP A Lomba, dámosvos a benvida a un novo curso escolar. Un curso cheo de fantásticas experiencias que xuntos compartiremos.
Comezamos o curso con comidas, que a tod@ gústanos, por qué non? ☺
Pois a través do comedor, estamos
a participar nas xornadas gastronómicas de “Come
Local” en colaboración coa Xunta de Galicia. Son diferentes xornadas dedicadas
a distintos produtos galegos. Xa comezamos en maio do curso pasado cunhas
xornadas dedicadas a tenreira galega, outras ao poio ecolóxico de Vila de Cruces,
e este curso escolar comezamos este mércores cunha xornada dedicada ao queixo San
Simón da costa. É un queixo moi característico polo seu toque afumado, e é o único
queixo en Galicia con estes toques afumados con denominación de orixe.
O cociñeiro, Ruben García , encargouse de
realizar un pequeno taller de cociña co alumnado, e entre todos e todas, prepararon diferentes pratos. Por un lado, elaboraron
como prato principal unha ensalada de rúcula e cóengos con espuma de queixo San
Simón e marmelada de pexego, e como
sobremesa, no edificio da Lomba, unhas brochetas de queixo San Simón con marmelo e un po de millo con noces, e no edificio do Anexo, unhas tartaletas de
espuma de queixo con marmelada de pexego e espolvoreado con froita deshidratada:
mango e papaya.
Comentarios
Publicar un comentario